Capitalism system and their human rights exploitation۔ تحریر محمد سلمان سرمایہ داری نظام کیا ہے؟ وہ نظام جس میں انسانی محنت کا استحصال کرکے انسانوں کو اپنا غلام بنائے رکھنے کیلئے انسانی جسم میں اتنا توانائی برقرار رکھاجائے کہ وہ دوبارہ اسی استحصالی نظام کیلئے کار آمدہوکر اپنے حرکات کو برقرار رکھے۔ ایسا نظام * جس میں صرف سرمائے کو ہی ترجیح دیا جائے۔ * انسانوں کی بجائے سرمائے کو تحفظ دینے کا قانون مرتب کردی جائے۔ * قانون کی بنیاد ہی سرمائے پر رکھی جائے۔ سرمایہ دارانہ نظام کا اصل چہرہ یہ ہے کہ یہ بدبودار نظام چاہتا ہے کہ انسانوں کا قابل با صلاحیت ،با وقار محنت کشوں کو پیسوں کی بنیاد پر کچھ بے ضمیر ،بے صلاحیت اور بے عقل انسانوں کے آگے جھکایا جائے اور جس کی ہر قسم کی صلاحیت کسی مفاد پرست، خود غرض ، اور انسانیت دشمن لوگوں کیلئے استعمال ہوجائے ۔ کیا انسانی وقار اور عزت دل میں رکھنے والے انسان یہ برداشت کرسکتے ہے؟ سرمایہ داری نظام کے تین نئے سکول آف تھاٹ Three new school of thoughts of capitalism system. 1 کلاسیکل 2 نیو کلاسیکل 3 مارکسٹ 1 کلاسیکل :- کلاسیکل سکول کو جدید معیشت کا سب سے قدیم فلسفہ مانا جاتا ہے اس فلسفے کا بنیادی نکتہ یہ ہے کہ سرمایہ دار کو ہر قسم کی بندش سے آزاد ہونا چاہیئے ۔ تاکہ وہ انسانوں کا خون چوس سکے ۔ * کلاسیکل فلسفے میں چیز کی قیمت کا تعین اس پر لگنے والے اخراجات سے کیا جاتا ہے ۔ * کلاسیکل فلسفہ میں : زیادہ سپلائی پیدا کرنے کیلئے سرمایہ دار بے ضمیروں کو زیادہ مزدوروں کی ضرورت ہوگی، اور زیادہ مزدور رکھنے سے لوگوں کے پاس زیادہ پیسے آجائیں گے جس کی وجہ سے خریدنے والے لوگ خود بخود بڑھ جائیں گے۔ یعنی مزدور کے خون سے پروڈکٹ کی پیداوار ہوتی ہے اور اسکا تھوڑا سا معاوضہ دے کر اس پر دوبارہ فروخت کرتے ہے جو معاوضہ دیا جاتا ہے وہ دوبارہ سرمایہ دار کی جیب میں چلا جاتا ہے ۔ * کلاسیکل سکول آف تھاٹ میں آزاد مارکیٹ، آزاد تجارت کا اجازت ہے ۔ * کلاسیکل فلسفے میں معاشی ترقی کیلئے یہ طریقہ بتایا جاتا ہے کہ منافعے کا زیادہ حصہ سرمایہ دار کے پاس جانا چاہئے اس کی وجہ یہ بتاتے ہے کہ اگر مزدور کے پاس زیادہ پیسے جائیں گے تو وہ اِسے اپنے ضروریات کو پورا کرنے کیلئے ضائع کریں گے اور اگر زیادہ سرمایہ، سرمایہ دار کے پاس جاتا ہے تو وہ یہ سرمایہ دوبارہ انویسٹ کرکے ملک کے ترقی کیلئے استعمال میں لائیں گے۔ * کلاسیکل فلسفے میں یہ سمجھا جاتا ہے کہ معیشت کی ترقی میں ورکز کوئی کردار ادا نہیں کرسکتے ۔ اس کے پاس منافعے کا زیادہ حصہ جانا پیسے کا ضیاع ہے کیونکہ یہ سرمایہ یہ اپنے ضروریات کو پورا کرنے کیلئے استعمال کرے گا اور ملک کی معیشت کو اس سے کوئی فائدہ نہیں پہنچ سکے گا۔ * اس فلسفے میں ہے کہ معیشت کی ترقی میں مزدوروں کا کوئی کردار نہیں۔ میں بتاؤ تو ملک کی معیشت میں سرمایہ دار کا کہی کردار نہیں یہ ترقی مزدور کی خون سے ہے ۔ 2 نیو کلاسیکل :- اس فلسفے میں سرمایہ دار کو آزاد کرنے کی بجائے خریدنے والے فرد کو آزادی دی جائے۔ *اس فلسفے میں پروڈکٹ کی قیمتوں کا تعین یہ بات کرے گی کہ اس چیز کی مارکیٹ میں کتنی اہمیت ہے بجائے کہ اس کے بنانے میں خرچہ کتنا آیا ہے۔ *اور یہ سمجھتے ہے کہ مزدور کو بھی اس بات پر تنخواہ نہ دی جائے کہ انھوں نے کام کتنا کیا ہے یا محنت کتناکیا ہے بلکہ تنخواہوں کا تناسب مارکیٹ میں بننے والی چیز کی اہمیت پر ہونی چاہیئے ۔ * اس فلسفے میں یہ بھی ہے کہ ورکرز کا معاشی سسٹم کی ترقی میں کوئی کردار نہیں ۔ * اس فلسفے میں توجہ کا مرکز پیداوار کی بجائے مارکیٹ کی ریٹ اور فروخت پر ہے ۔ 3 مارکسٹ :- اس فلسفے کا بھی بنیادی بات یہ ہے کہ سرمایہ داری نظام سے ہی معیشت ترقی کرسکتی ہے۔ * یہ بھی مزدور کو ان کے کام اور محنت کی بنیادی مراعات دینے سے انکار کرتا ہے * مزدور سے پروڈکٹ بناتے ہے اور بنیادی ضروریات مزدور کا پورا کرنے کیلئے تیار نہیں، زیادہ پروڈکٹ بنانے کیلئے ان کو بھی زیادہ مزدوروں کی ضرورت ہوتی ہے تاکہ اپنے عیاشیوں اور انسانوں کو غلام بنانے کیلئے زیادہ سرمایہ بنا سکے ۔ * یہ فلسفہ کلاسیکل تھیوری کی طرح مزدوروں کو معاشی ترقی کیلئے ایک غیر فعال طبقہ نہیں سمجھتے۔ یہ مزدور کو بھی سرمایہ دار کی طرح معیشت کی ترقی میں یکساں اہم سمجھتے ہے۔ لیکن یہ فلسفہ بھی سمجھتا ہے کہ سرمایہ داری سسٹم کے بغیر معاشی سسٹم کو ترقی کی راہ پر گامزن نہیں کیا جاسکتا۔ یعنی یہ فلسفہ صرف مزدور کو معاشی ترقی کا پرزا سمجھتا ہے لیکن مزدور کو اپنے حقوق دینے کیلئے تیار نہیں۔ سرمایہ داری نظام کا کھیل :- Capitalism system how play with honest, working class humans. سرمایہ داری نظام مارکیٹ کیلئے جو چیزیں یا پروڈکٹ بناتی ہے ملکی سطح پر یا بین الاقوامی سطح پر، اس میں اس نظام کیلئے سب سے زیادہ جو چیز اہمیت رکھتی ہے وہ سرمایہ ہے بجائے سماج اور ملک کی ترقی کیلئے۔ ملک کی معاشی نظام میں سرمایہ ایک اہم۔کردار ادا کرتا ہے لیکن سرمایہ دار اگر سرمایہ کماتا ہے تو انسانی استحصال ، انسانی غلامی اور اپنے عیاشیوں کا سامان مہیا کرنے کیلئے۔ سب سے دکھ کی بات یہ ہے جو سرمایہ کمایا جاتا ہے اِن میں سرمایہ دار کا کوئی محنت شامل نہیں ہوتا بلکہ جس کی وجہ سے سرمایہ کمایا جاتا ہے وہ ورکرز طبقہ کبھی اپنے بچوں سمیت سمندر میں کھود کر جان دیتا ہے اور کبھی خود کو پھانسی دے کر پناہ کردیتے ہے۔ کبھی ساری عمر محنت کرکے دو وقت کی روٹی کمانے کیلئے دربدر ہوکر ذلیل ہوتے ہیں۔ سرمایہ دارانہ نظام ایسے طریقے سے انسانوں کو بھوکا، ننگا اور غلام رکھتا ہے کہ انھیں یہ احساس تک نہیں ہوتا کہ انسانی سوسائٹی کی بربادی، غلامی اور قتل عام کس وجہ سے ہورہا ہے۔ یہ انسانی مخلوق کو اسلئے بھوکا ،ننگااور غلام رکھتے ہیں کہ اسکے سارے اعصاب مفلوج کردئے جائے۔ جب سرمایہ داری نظام اِس مفلوجی کو ختم کرنے کی بجائے انسانی سانس کو اسلئے برقرار رکھتے ہے کہ اِن پر اپنا بدبودار اور گندا نظام چلایا جاسکے تو یہ انھیں اپنے لئے آقا اور بہترین سمجھنے لگتے ہے۔ ایسے جب انسانی عزت ، انسانی وقار مرتبہ اور انسانی آزادی چھین کر جب انسان کے آدھے حصے کا بھوک مٹھائی جائے تو انسان یہ سمجھنےلگتا ہے کہ مجھے زندہ رکھ کر مجھے دوبارہ انسانی وقار رتبہ اور آزادی مل گئی لیکن ایسا نہیں ہوتا بس وہ انسانی سانس کو اپنے مشین کی سرکولیشن کیلئے برقرار رکھ کر انسانوں کو انسانی غلامی میں مبتلا اور ذہن کو مفلوج کرکے بند پنجرے میں رکھا جاتا ہے جس سے نکلنے کیلئے انقلاب کی صدا کی ضرورت ہوتی ہے اور اُس صدا کی بلندی کیلئے غلام انسانوں کے پاس جو مفلوج اور غلام زہنیت بچ جاتی ہے اِس سے کبھی سر بلند نہیں ہوتی۔ یہ لوگ انھیں اپنے لئے بہتر اور آزادی سمجھتے ہے کہ دیکھو! مجھے زندہ زمیں میں درگور تو کرچکا ہے لیکن مجھے موت سے بچا کر میرا مردہ غلام ذہنیت زندہ زمیں میں درگور نہ کرکے مجھ پر اپنا نظام چلا رہا ہے اسلئے ہمارے لئے یہ نظام بہتر ہے۔ ایسا کھیل کھیلتا ہے سرمایہ دارانہ نظام کہ تمھاری محنت اور صلاحیت سے تمھارا ہی استحصال کرتا ہے۔ سرمایہ دارانہ نظام ایک ایسا نظام ہے کہ یہ اپنی قانون سے انسانی سوسائٹی کا استحصال بھی کرتا ہے لیکن اس سوسائٹی سے اپنے لئے زندہ باد کے نعرے بھی بلند کرتا ہے ۔

اگر آپ سورۃ الروم کی آیت نمبر 21 کا مطالعہ کریں تو اس میں ارشاد ہوتا ہے۔

“اور اس کی نشانیوں میں سے ہے کہ تمہاری ہی جنس سے بیویاں پیدا کیں تاکہ تم ان سے آرام پاؤ۔ اس نے تمہارے درمیان محبت اور ہمدردی قائم کر دی۔ یقیناً غور و فکر کرنے والوں کے لئے اس میں بہت سی نشانیاں ہیں۔” (القرآن۔30:21)

ایک مسلمان کے لیے اللّہ تعالیٰ کا حکم، اس کا ارشاد، اس کی بتائی بات ہی دنیا کی سب سے بڑی سچائی ہوتی ہے۔ بیشک اللّہ تعالیٰ قادر ہے وہ کُن فیکون کا مالک ہے۔ جب اللّہ تعالیٰ نے بتا دیا شوہر اور بیوی کے دل میں ایک دوسرے کے لئے محبت ڈال دی ہے تو پھر کسی مغربی اور مشرقی نظریے کی ضرورت باقی نہیں رہتی ہے۔ 

ارشاد باری تعالیٰ ہے۔

“تمہاری بیویاں تمہارا لباس ہیں اور تم ان کا لباس ہو۔” (القرآن۔2:187)

اب ان واضح احکامات کے بعد بھی میاں بیوی کی محبت اور رشتے میں شک کی کوئی گنجائش باقی نہیں رہتی ہے۔ مگر کئی جوڑوں میں تعلقات کشیدہ بھی رہتے ہیں اور نوبت طلاق تک پہنچ جاتی ہے۔اس کے لیے بھی قرآن مجید میں اللہ تعالیٰ کا واضح حکم موجود ہے کہ ایسے جوڑے اپنی کشیدگی کس طرح دور کر سکتے ہیں۔

سورۃ النساء کی آیت نمبر 19 میں ارشاد ہے۔

“ان کے ساتھ بھلے طریقے سے زندگی بسر  کرو اگر وہ تمہیں ناپسند بھی ہوں۔ ہو سکتا ہے کہ ایک چیز تمہیں پسند نہ ہو مگر اللّہ نے اس میں بہت کچھ بھلائی رکھ دی ہے۔” (القرآن۔4:19)

اس آیت کریمہ کی روشنی سے ہم یہ جان سکتے ہیں کہ جس ایک وجہ سے حالات کشیدگی کی طرف جا رہے ہیں اس کو اگنور کر کے اور بہت سی مثبت چیزیں مدنظر رکھ کر زندگی خوشگوار بنائی جا سکتی ہے۔ یعنی گھریلو ناچاقیاں ختم کرنے کا نسخہ کیمیا اس آیت میں موجود ہے۔

واضح قرآنی آیات کے ہوتے ہوئے ہمیں کسی اور نظریے اور تحقیق کی ضرورت بالکل نہیں ہونی چاہیے۔ جوان لڑکا لڑکی انڈرسٹینڈنگ کی بجائے معاشرے کی بے راہ روی کا شکار ہو جاتے ہیں۔ نامحرم کی قید و بند سے آزاد یہ جوڑے شرح طلاق میں اضافے کے علاوہ کہیں بھی کارگر ثابت نہیں ہوئے ہیں۔ مغربی ممالک میں شرح طلاق اور اسلامی ممالک میں شرح طلاق آپ سب کے سامنے موجود ہے۔

شادی کے اس موضوع میں مرد کو چار چار شادیوں کی اجازت پر بھی میں بات کرتا چلوں کہ کس طرح اس کی غلط تشہیر کی جاتی ہے۔

سورۃ النساء کی آیت نمبر 3 میں ارشاد ہے۔

” اگر تمہیں ڈر ہو کہ یتیم لڑکیوں سے نکاح کر کے تم انصاف نہ کر سکو گے تو اور عورتوں میں سے جو بھی تمہیں اچھی لگیں تم ان سے نکاح کر لو۔ دو دو،تین تین، چار چار سے لیکن اگر تمہیں برابری نہ کر سکنے کا خوف ہو تو ایک کافی ہے۔” (القرآن۔4:3)

اس آیتِ کریمہ میں جہاں چار چار شادیوں کی اجازت دی گئی ساتھ ہی واضح شرط رکھی گئی ہے کہ برابری رکھنی ہے۔ اگر تمام بیویوں میں برابری نہیں رکھ سکتے تو ایک ہی بیوی کافی ہے۔

سورۃ النساء میں ہی ارشاد باری تعالیٰ ہے۔

“تم سے یہ تو کبھی نہ ہو سکے گا کہ اپنی تمام بیویوں میں ہر طرح عدل کرو۔” (القرآن۔4:129)

اس واضح ارشادِ باری تعالیٰ کے بعد یہ حقیقت بھی عیاں ہو جاتی ہے کہ تمام بیویوں کے درمیان عدل کرنا بھی بہت مشکل ہے۔ اور اگر انصاف نہیں کر سکتے تو پھر بھی واضح حکم موجود ہے کہ ایک ہی کافی ہے۔ مرد کے اس اجارہ دار معاشرے میں مرد صرف چار چار شادیوں کی اجازت کو تو سینہ تان کر بیان کرتا ہے مگر اس کے ساتھ جڑے احکامات کو یکسر نظر انداز کر دیتا ہے۔

اسلام ایک مکمل ضابطہ حیات دیتا ہے مگر اس کی یہ شرط ہے کہ آپ پہلے اسلام کو پڑھیں۔ دوسرے نظریات، فلسفے اور تحقیقات کا مطالعہ ضرور کریں مگر اس سے پہلے اسلام کی حقیقی تعلیمات سے ضرور آشنائی ہونی چاہیے۔ اسلام کی حقیقی تعلیمات کا سب سے بہترین مآخذ قرآن مجید ہے جو کہ آخری رسول حضرت محمدﷺ پر نازل ہوئی۔ 

اللّہ تعالیٰ ہمیں سمجھنے اور عمل کرنے کی توفیق عطا فرمائے۔ آمین

اللہ تعالیٰ وحدہ لاشریک ہے اس نے کائنات کو بنایا پھر بندوں کو بنا کر اس میں بسایا پھر ان سب کو موت دیتا رہے گا حتیٰ کہ جب ساری کائنات فنا ہوجائے گی تو اپنی وحدت کا اعلان فرمائے گا رب تعالیٰ کی واحدانیت پر کثیر آیات کریمہ ہیں مگر سب کو یہاں پر بیان کرنے سے قاصر ہوں کہ موضوع طویل ہوجائے گا اس لیے رضاالہٰی کی خاطر چیدہ چیدہ آیات پیش کرتا ہوں۔

دلیل نمبر:1 قرآن مجید میں ہے: ”اگر آسمانوں اور زمینوں میں اللہ تعالیٰ کے علاوہ متعدد خدا ہوتے تو ضرور ان کا نظام فاسد ہوجاتا“
دلیل نمبر:2 قرآن مجید میں ہے: ”بے شک تمہاری عبادت کا مستحق ضرور ایک ہے آسمانوں اور زمینوں کا اور ان تمام چیزوں کا رب جوان کے درمیان ہیں وہی تمام مشارق کا رب ہے“
دلیل نمبر:3 قرآن مجید میں ہے: ”کیا وہ اپنے نفسوں میں(اس پر) غور نہیں کرتے کہ اللہ تعالیٰ نے آسمانوں اور زمینوں کو اور ان کے درمیان کی چیزوں کو صرف حق کے ساتھ اور مقررہ مدت تک کے لئے پیدا کیا ہے اور بے شک اکثر لوگ اپنے رب سے ملاقات کے ضرور منکر ہیں ۔ کیا انہوں نے زمین میں سفر نہیں کیا پس وہ اپنے سے پہلے لوگوں کا انجام دیکھ لیتے جو ان سے زیادہ قوت والے تھے اور انہوں نے زمین میں ہل چلایا اور اس کو آباد کیا اورا نہوں نے زمین کو ان سے زیادہ آباد کیا تھا ان کے پاس رسول واضح دلائل لے کر آئے تھے تو اللہ تعالیٰ کی یہ شان نہ تھی کہ ان پر ظلم کرتا لیکن وہ خود اپنی جانوں پر ظلم کرتے تھے پھر برے کام کرنے والوں کا برا انجام ہواکیونکہ وہ اللہ تعالیٰ کی آیتوں کی تکذیب کرتے تھے اور ان کا مذاق اڑاتے تھے“
دلیل نمبر:4 قرآن مجید میں ہے: ”عنقریب ہم ان کو اپنی نشانیاں اس کائنات میں اور ان کے اپنے نفسوں میں دکھائیں گے حتیٰ کہ ان پر منکشف ہو جائے گا کہ اللہ ہی برحق ہے“
دلیل نمبر:5قرآن مجید میں ہے: ”اور اللہ تعالیٰ کی نشانیوں میں سے یہ ہے کہ اس نے تم کو مٹی سے پیدا کیا پھر اب تم بشرہوکر پھیلتے جارہے ہو“
دلیل نمبر:6قرآن مجید میں ہے: ”اور اس کی نشانیوں میں سے یہ ہے کہ اس نے تمہاری ہی جنس سے تمہارے لئے جوڑے پیدا کیے تاکہ تم کو ان سے سکون حاصل ہو اور اس نے تمہارے درمیان محبت اور ہمدردی قائم فرمادی بے شک اس میں غور و فکر کرنے والے لوگوں کے لئے ضرور نشانیاں ہیں“
دلیل نمبر:7 قرآن مجید میں ہے: ”اور اس کی نشانیوں میں سے آسمانوں اور زمینوں کی پیدائش ہے اورتمہاری زبانوں اور تمہارے رنگوں کا اختلاف ہے اور بے شک اس میں عالموں کے لئے ضرور نشانیاں ہیں“
دلیل نمبر:8 قرآن مجید میں ہے: اور اس کی نشانیوں میں سے رات اور دن میں تمہاری نیند ہے اور تمہاری اس کے فضل کو تلاش کرنا ہے بے شک اس میں غور سے سننے والوں کے لئے ضرور نشانیاں ہیں۔
دلیل نمبر:9 قرآن مجید میں ہے: ”اور اس کی نشانیوں میں سے یہ ہے کہ وہ تم کو ڈرانے اورامید پر قائم رکھنے کے لئے بجلیوں کی چمک دکھاتا ہے اور آسمان سے پانی نازل فرماتا ہے پھر اس سے زمین کے مردہ ہونے کے بعد اس کو زندہ کرتا ہے بے شک اس میں عقل والوں کے لئے ضرور نشانیاں ہیں“
دلیل نمبر:10 قرآن مجید میں ہے: اور اس کی نشانیوں میں سے یہ ہے کہ زمین و آسمان اس کے حکم سے قائم ہیں پھر جب تم کو وہ زمین سے بلائے گا تو تم فوراً(قبروں سے)باہر نکل آؤ گے“
دلیل نمبر:11 قرآن مجید میں ہے: ”اور آسمانوں اور زمینون میں جو کچھ ہے وہ سب اس کی ملکیت ہے اور سب اس کے اطاعت شعار ہیں“
دلیل نمبر:12 قرآن مجید میں ہے: ”اور وہی ہے جو مخلوق کو پہلی بار پیدا کرتا ہے پھر اس کو دوبارہ پیدا کرے گا اور یہ اس پر بہت آسان ہے اور آسمانوں اور زمینوں میں اس کی سب سے بلند صفات ہیں اور وہی بہت غلبہ اور بہت حکمت والا ہے“
دلیل نمبر:13 قرآن مجید میں ہے: ”کیا ہم نے تم کو حقیر پانی(منی) سے نہیں پیدا کیا“
دلیل نمبر:14 قرآن مجید میں ہے: ”سو تم کو ہم نے مٹی سے پیدا کیا پھر نطفہ سے پھر جمے ہوئے خون سے پھر گوشت کے لوتھڑے سے جس کی صورت اور شکل واضح بنی ہو یا نہ بنی ہو“
دلیل نمبر:15 قرآن مجید میں ہے: ”اللہ تعالیٰ نے ہی تم کو پیدا کیا پھر تم کو روز دیا پھر تم کو موت دے گا پھر تمہیں زندہ کرے گا گیا تمہارے بنائے ہوئے شریکوں میں سے کوئی ایسا ہے جو ان کاموں میں سے کوئی کام کرسکے اللہ تعالیٰ ان تمام چیزوں سے پاک اور بلند ہے جن کو وہ اس کا شریک قرار دیتے ہیں“
دلیل نمبر:16 قرآن مجید میں ہے: اللہ تعالیٰ نے تم کو تمہاری ماؤں کے پیٹوں سے اس حال میں نکالا کہ تم اس وقت کچھ بھی نہیں جانتے تھے“
دلیل نمبر:17 قرآن مجید میں ہے: ”اللہ ہی ہے جو ہواؤں کو بھیجتا ہے تو وہ بادل کو اٹھاتی ہیں پھر وہ اس بادل کو جس طرح چاہتا ہے آسمان میں پھیلادیتا ہے اور وہ اس کے ٹکڑے ٹکڑے کردیتا ہے پھر تم دیکھتے ہوکہ اس کے درمیان سے پانی نکلتا ہے پھر وہ اپنے بندوں میں سے جن کو چاہتا ہے ان تک وہ پانی پہنچادیتا ہے تو وہ خوش ہوجاتے ہیں“
دلیل نمبر:18 قرآن مجید میں ہے: ”پس اللہ کی رحمت کی نشانیوں کو دیکھو کہ وہ کس طرح زمین کو اس کے مردہ ہونے کے بعد زندہ کرتا ہے بے شک وہی مردوں کو زندہ کرنے والا ہے اور وہ ہر چیز پر قادر ہے“
دلیل نمبر:19 قرآن مجید میں ہے: ”اللہ ہی ہے جس نے تمہیں کمزوری کی حالت میں پیدا کیا پھر اس کمزوری کے بعد قوت دی پھر اس قوت کے بعد ضعف اور بڑھاپا طاری کیا وہ جو چاہتا ہے پیدا فرماتا ہے اور وہ بہت علم والا ہے بے حد قدرت والا ہے“
دلیل نمبر:20 قرآن مجید میں ہے: ”اللہ تعالیٰ نے بغیر ستونوں کے آسمان بنائے جنہیں تم دیکھتے ہو اور زمین میں مضبوط پہاڑوں کو نصب کردیا تاکہ وہ تمہیں لرزانہ سکے اور اس زمین میں ہر قسم کے جانور پھیلادئیے اور آسمان سے پانی نازل کیا سو ہم نے زمین میں ہر قسم کے عمدہ غلے(اور میوے) پیدا کیے یہ ہے اللہ تعالیٰ کا پیدا کیا ہوا پس مجھے وہ دکھاؤ جو اللہ تعالیٰ کے ماسوا دوسروں نے پیدا کیا ہے بلکہ ظالم کھلی گمراہی میں ہیں“

اللہ تعالیٰ نے اخلاق وعادات کی تمام خوبیاں وکمالات اور اعلیٰ صفات حضورﷺ کی ذات گرامی میں جمع فرمادی تھیں۔ آپ کو اللہ تعالیٰ نے ہر قسم کے علوم عطا فرمائے تھے حالانکہ آپ ﷺ ”امی “ تھے کچھ پڑھ لکھ نہ سکتے تھے۔ نہ انسانوں میں کوئی آپ کا معلم تھا اس کے باوجود اللہ تعالیٰ نے آپ ﷺ کو ایسے علوم عطا فرمائے تھے جو کائنات میں کسی اور کو نہیں دیئے گئے۔ آپ ﷺ کو کائنات کے خزانوں کی کُنجیاں پیش کی گئیں مگر آپ ﷺ نے دنیا وی مال وجاہ کے بدلے ہمیشہ آخرت کو ترجیح دی۔ آپﷺ علم وحکمت کے سب سے زیادہ جاننے والے تھے، سب سے زیادہ محترم سب سے زیادہ مصنف، سب سے زیادہ حلیم وبردباد، سب سے زیادہ پاک دامن وعفیف اور لوگوں کو سب سے زیادہ نفع پہنچانے والے اور لوگوں کی ایذار رسانی پہ سب سے زیادہ صبرو تحمل کرنے والے تھے دیکھنے والوں کی نظر میں آپ ﷺ کا چہرہ انور نہایت رعب ودبدبہ والا روشن چمکدار ایسا کہ چودھویں کا چاند چمکتا ہے۔ جب آپﷺ مسکراتے تو گویا دیواروں پر مسکراہٹ کی چمک پڑتی تھی۔ شاعر حسان بن ثابت کہہ اٹھے ”میری آنکھوں نے کبھی آپ سے زیادہ کوئی صاحب جمال نہیں دیکھا، عورتوں نے آپ سے زیادہ کوئی صاحب جمال نہیں جنا، آپ کو ہر عیب سے پاک پیدا کیا گیا، جیسے آپ ﷺ اپنی مرضی کے مطابق پید اکئے گئے ہوں۔“ آپ ﷺ کا اخلاق قرآن کریم تھا، اس کے ظاہری معنی یہ ہیں کہ قرآن مجید میں جو اخلاق وصفات ِمحمودہ مذکورہ ہیں آپ ﷺ میں وہ تمام موجود تھیں۔ آپﷺ نے کبھی اپنی ذاتی معاملے اور مال ودولت کے سلسلے میں کسی سے انتقام نہیں لیا اور کسی سے بدلہ لیا تو صرف اللہ تعالیٰ کے لئے لیا۔ کفار، منافقین اور مشرکین نے آپ ﷺ سے جنگ وجدل کی آپ کو شدید رنج والم پہنچایا مگر اس حال میں بھی آپ ﷺ عفو درگرزر کی اعلیٰ مثال بنے رہے اور کفار کے لئے بدُعا کرنے کے بجائے دعا فرمائی۔ آپ ﷺ تمام انسانوں میں سب سے زیادہ اشرف ہونے کی وجہ سے سب سے زیادہ بہادر اور فیاض تھے۔ آپﷺ کے مزاج میں اعتدال تھا، سخت گونا تھے اور نہ بازاروں میں گھومنے والے اور خلاف وقار باتیں کرنے والے تھے اور کبھی برائی کا بدلہ برائی سے نہ دیتے بلکہ معاف فرما دیتے تھے۔ حیاسے آپ ﷺ کی نگاہ کسی شخص پہ نہ ٹھہرتی تھی اور کسی نامناسب بات کا اگر کسی ضرورت سے ذکر کرنا پڑتا تو کنایہ فرماتے۔ کشادہ دل بات کے سچے اور طبیعت کے نرم تھے۔ امیرو غریب آزاد وغلام کسی کو خاص ناکرتے بلکہ سب کی دعوت اور حقیر سے حقیر ہدیہ بھی قبول فرما لیتے تھے نا صرف یہ بلکہ خود بھی ہدیہ دیا کرتے۔ لوگوں کی عیادت کیلئے جایا کرتے معذرت کرنے والے کا عذر قبول فرمالیتے اور کبھی اپنے اصحاب کے درمیان پاؤں پھیلائے ہوئے بیٹھے نہیں دیکھے گئے جس سے اوروں پر جگہ تنگ ہوجائے اورجوآپ کے پاس آتا اس کی خاطر تواضع کرتے حتیٰ کے بعض اوقات آنے والے مہمان کیلئے اپنا کپڑا خود بچھاتے اور تکیہ خود اٹھا کر پیش کرتے کسی کی بات درمیان سے نا اچکتے اور جب خود کسی سے ہم کلام ہوتے تو آہستہ اور ٹھہر کر ہر لفظ ادا کرتے یعنی گفتگو میں بھی جلد بازی سے کام نا لیتے اکثر تبسم فرماتے۔ آقائے دوجہاں، سرور کائنات، ختم الرسل ، پیلر حسن اخلاق حضرت محمد مصطفی ﷺ صداقت، امانت اور سادگی کی اعلیٰ مثال ہیں۔ آپ ﷺ رحمت اللعالمین ہیں، آپ ﷺ کی پاکیزہ زندگی قیامت تک آنے والے نہ صرف مسلمانوں کیلئے بلکہ کائنات کے ہر انسان کیلئے مشعل راہ ہے، آپ ﷺ ابتداء ہی سے عمدہ اخلاق کے مالک تھے۔ سب سے محبت ، عاجزی اونکساری سے ملتے قبل از اظہارِ نبوت بھی کفار مکہ آپﷺ کے پاس اپنی امانتیں رکھواتے اور اپنے فیصلے کرواتے ۔ آپ ﷺ نے تاریخ انسانی میں جو زبردست، بے مثال اور حیرت انگیز کارہائے نمایا سر انجام دیئے اس میں بنیادی کردار آپ ﷺ کے دل موہ لینے والے اخلاق اور روحوں کے سحر کرلینے والی شرافت کا ہے۔ آپ ﷺ کے خلق عظیم نے دشمنوں کو دوست کیا اور اپنے خون کے پیاسوں کو اپنا جاں نثار بنایا۔ جب آپﷺ کے پاس حکومت نہ تھی تب بھی صادق وامین اور سادہ طرز زندگی اور جب مکہ فتح ہوا تب بھی طرز حیات نہ بدلا اور سب کو معاف فرمایا اور عدل و انصاف کیا۔ آپ ﷺ نے بنی نوع انسان کو آداب معاشرت سیکھائے طبقاتی ، معاشرتی اور رنگ ونسل کے مصنوعی امتیازات کو ختم کرکے عملی درس مساوات دی
ا